Македонски центар за меѓународна соработка - МЦМС

Бидете дел од настанот Ден на граѓанските организации и дојдете во паркот Ибни Пајко и на плоштадот Скендербег на 14 септември (сабота) во 10:00 часот за да се учествувате во многубројните активности кои за вас ги спремија над 80 граѓански организации.

Програмата во младинското, креативното и едукативното катче изобилува со креатвни работилници, обуки и предавања за сите возрасти. Во паркот Ибни Пајко ќе можете да учествувате во мноштво игри и разонодувачки активности.

На платото Скендербег ќе можете одблиску да се запознаете со граѓанските организациии, да поразговарате со нив и да се приклучите кон нивните активности.

Придонесот на граѓанските организации во општеството и заедницата е огромен и „Денот на граѓанските организации“ е одлична можност за граѓаните да се информираат, предложуваат и да се вклучат во иницијативите кои ги предводат здруженијата.